Antonio Conte do të dëmshpërblehet me 10 milionë euro nëse do të shkarkohet. Marrëdhënia e trajnerit italian me drejtuesit e klubit nuk është aspak e mirë, por ai nuk ka ndërmend të largohet me dëshirë nga “Stamford Bridge”.
Conte është i gatshëm të presë skadencën e kontratës, siç ka bërë të ditur një burim i afërt me teknikun. Kështu, Chelsea do të detyrohet të paguajë për prishjen e parakohshme të konyratës, siç ka ndodhur në 2015-ën me Jose Mourinho-n.
Sipas shtypit anglez, klubi londinez ka humbur durimin dhe është acaruar shumë nga deklaratat e bëra nga ish-trajneri i Juventus në lidhje me blerjet e munguara në merkaton. Conte ka thënë disa herë gjatë verës së kaluar se kampionët në fuqi të Anglisë duhet të shpenzonin shumë për të mbajtur ritmin e Manchester United dhe Manchester City.
