Ilir Daja nuk e quan të mbyllur çështjen e titullit në Kategorinë Superiore, edhe pse ka një diferencë të madhe pikësh me ndjekësit, pasi u shpall Kampion Dimri. Në një intervistë për “Tv Klan”, trajneri i korçarëve flet për vitin e Skënderbeut, si dhe për skuadrën në vazhdim.
“Ishte një arritje e madhe personale dhe për ekipin. Këtë vit bëmë historinë edhe në Europë ku u paraqitëm mirë pa qenë inferior ndaj askujt. Kemi një diferencë pikësh që na jep një farë qetësie, por gjithsesi kampion i dimrit nuk do të thotë që jemi kampion i edicionit. Mesfusha dhe sulmi duhen përforcuar, por nëse nuk do të kemi largime e përballojmë dhe lojtarët aktual” – përfundoi Daja.
