Trajneri i Skënderbeu, Ilir Daja, nëpërmjet një lidhje live nga Antalia me emisionin “Rubrika Sportive” në RTSH, foli për situatën aktuale të Skënderbeut, për lëvizjet e fundit në merkato, si dhe zgjedhjet në FSHF.
“Afrimin e Vilës nuk e bëri Ilir Daja, por i gjithë grupi në mënyrë unanime. Skënderbeu funksionon si zinxhir. Takaj na ndjek gjithmonë. Për sa i përket Donjet Shkodrës, nuk e fitoi dot rivalitetin, pasi të luash në një pozicion ku luajnë Lilaj, Muzaka dhe Osmani, është e vështirë dhe kishte pak hapësira.
Nuk është larguar pa lejen e klubit, për shkak të aktivizimit të pakët, që nuk ia jep trajneri, por e merr vet. Në lidhje me sulmuesin çek Nespor, dua të them së është një blerje e dështuar e jona. Nuk mund të largohet sepse para se të transferohej tek ne ka qenë pjesë e Zaglebisë. Zgjedhjet në FSHF? Është e sigurt që do të fitojë më i miri”, u shpreh Ilir Daja për “RTSH”.
