Diego Costa ka debutuar me gol në stadiumin e Atletico Madridit, pas transferimit të tij nga Chelsea.
Sulmuesi spanjoll u rikthye te Atletico në verë, por nuk mundi të zyrtarizohet si lojtar deri në janar pas dënimit nga UEFA.
Megjithatë, Costa arriti menjëherë të lë shenj për skuadrën e Diego Simeones, duke shënuar dy gola brenda javës së parë të vitit 2018.
I pari erdhi para disa ditëve në udhëtimin e tyre për Copa del Rey te Lleida, të cilët i mposhtën me rezultat 0-4, kur Costa shënoi golin e tretë të skuadrës.
Por, tani spanjolli ka gjetur menjëherë golin edhe në La Liga, pikërisht në ndeshjen e tij debutuese në Wanda Metropolitano.
Festa e Costat me tifozët pas golit të shënuar..
Costa ka shënuar për epërsinë 2-0 në ndeshjen e javës së 18-të të kampionatit spanjoll ndaj Getafes.
Goli i spanjollit erdhi nga afërsia në minutën e 68-të të ndeshjes pas një harkimi të saktë nga Sime Vrslajko.
Reagimi i Costas pas ndëshkimit!
Megjithatë, festa e tepruar me tifozët e skuadrës bëri që Costa të marr kartonin e dytë të verdhë, praktikisht të kuqin dhe të largohet nga loja po në këtë minutë.
