Mesfushori i Barcelonës dhe Kombëtares së Turqisë, Arda Turan thuhet se i është ofruar gjigantit italian, Milanit.
Sipas mediumit italian Il Giornale, Milanit iu afrua agjenti turk, Ahmet Bulut, i cili përfaqëson Arda Turanin.
Megjithatë, nuk ka asnjë shenjë nëse Rossonerët do të marrin në skuadër 30-vjeçarin turk.
Arda është lojtar i parëndësishëm për skuadrën nga Camp Nou, pavarësisht se katalunasit paguan 41 milionë euro për të nënshkruar me atë nga Atletico Madridi në vitin 2015.
Turan nuk po gjen hapësira te Barcelona që nga transferimi i tij nga Atletico Madridi!
Mesfushori turk erdhi me bujë të madhe te Barcelona, por dështoi të tregoj vlerat e tij dhe të zë një vend titullari në skuadër.
Turan nuk ishte një titullar i rregullt as tek ish-trajneri Luis Enrique, por as Ernesto Valverde nuk llogarit në shërbimet e tij.
Turku kishte qenë më parë i lidhur edhe me rivalët e Interit, ndërsa Bulut është në proces pasi mendon se Italia është një opsion ideal për klientin e tij.
Për Turanin interesim kanë shprehur skuadra turke, Besiktas dhe ajo angleze, Everton.
