Pas analizës, arbitri italian Daniele Doveri nuk mund t’i shpëtojë dënimit.
Gjyqtari vlerësoi të rregullt golin e dytë të Juventusit, pavarësisht faullit të Khedirës dhe konsultimit me VAR-in. Një gabim që i ka kushtuar shtrenjtë pasi ai është dënuar të paktën dy javë pezullim nga çdo aktivitet sportiv, shkruan “Sportmediaset”.
Doveri pa pamjet filmike në rastin e diskutueshëm dhe vendosi të akordonte golin, duke shkaktuar protesta të ashpra te Torino.
Pas saj gafe është i detyruar të bëjë disa javë pushim, pasi ky është dënimi i sektorit përkatës në Federatën Italiane të Futbollit.
