Leo Messi në çdo top që prek këtë Botëror e shndërron në ar. Çdo gol apo çdo e asist e kthen “pleshtin” në një legjendë të gjallë. Përballë Kroacisë, Leo ishte shpërthyes me topin në këmbë, u tregua edhe një herë perfekt nga pika e bardhë e penalltisë duke realizuar golin e tij të 5-të këtë Botëror, i 11-të në këtë turne. Me këtë gol, Messi kalon Gabriel Omar Batistuta duke u bërë golashënuesi më i mirë i të gjithë kohërave me përfaqësuesen argjentinase në Botëror.
Jo vetëm gola, Messi dhuroi një tjetër asist të pastër në këtë sfidë duke ftuar Alvarez të realizonte golin e tretë për Argjentinën, ky ishte asisti i tij i tretë këtë Botëror dhe i teti në total. Messi është përfshirë në 19 gola në Botërore, 11 finalizime dhe tetë asiste, barazon në këtë mënyrë legjenda si Klose, Ronaldo dhe Gerd Muller.
Messi bëhet lojtari i parë Argjentinas që shënon gol në tre ndeshje me eliminim direkt. Kjo ishte ndeshja e tij e 25-të në Botëror, barazon Lothar Matthäus, ndërsa në finale do të shndërrohet në lojtarin me më shumë ndeshje në historinë e Botërorit.
