Zhbllokohet tratativa mes Inter dhe West Ham për Joao Mario. Mesfushori portugez do të transferohet në Premier League në këtë merkato dimri me formulën e huazimit 1-vjeçar, për shumën e rreth 1.5 milionë euro, ndërkohë që edhe rroga e futbollistit do të mbulohet nga “Hammers”, me të drejtë blerje nga klubi anglez, të fiksuar në shumën e 35 milionë euro.
Një ndeshje në Kupën e Italisë dhe 13 ndeshje në kampionat. Nën drejtimin e trajnerit Spalletti, mesfushori që kishte hequr fanellën me numrin 6, për të veshur atë presitgjoze me numrin 10, tentoi të riprovonte, por nuk gjeti dot hapësirë në sistemin e lojës së teknikut që në shumë raste preferoi të tjerë futbollistë. Gabimi i rëndë në derbin e Kupës, në dhjetorin e kaluar ka përkeqësuar kategorikisht situatën, deri në largimin e tij nga Inter.
