Pas ardhjes së Lisandro Lopez dhe “goditjes” Rafinha, ka ardhur radha e Daniel Sturridge. “Menuja” e skuadrës së Inter, në merkaton e janarit, bëhet gjithmonë e më e shijshme. Objektivi i radhës për dyshen Ausilio-Sabatini është t’i dhurojë një “ëmbëlsirë” në fund trajnerit Luciano Spalletti. “Qershia” mbi tortë është Daniel Sturridge, sulmues 28 vjeç i Liverpool që në orët e fundit ka marrë miratimin e klubit “të kuq” për t’u larguar formën e huazimit. Anglezi mund të luajë në krah të sulmit, por edhe në qendër. Ai është i shpejtë dhe teknik dhe diçka e tillë nuk e përjashton mundësinë e aktivizimit njëkohësisht me Icardi, se herë që Inter të ketë nevojë për dy sulmues.
Megjithatë, edhe pse është favorit për të marrë Sturrdige, duke qenë se lojtari i ka thënë miqve të tij se do të pranonte me kënaqësi aktivizimin në “San Siro”, Inter do të përballet me konkurrencën e Romës, që e sheh sulmuesin e Liverpool si lojtarin e duhur për të zëvendësuar Dzeko që do të shkojë te Chelsea. Gjithsesi, Inter duket në “pole position” dhe pikërisht për të liruar një vend për Sturridge ka nisur fushatën e largimeve. Eder mund të rikthehet te Sampdoria, ndërsa Gabigol do të huazohet te Santos, duke pranuar 40% ulje rroge, e cila do të paguhet krejtësisht nga skuadra braziliane, pasi edhe Benfica, ekipi ky braziliani është aktivizuar në muajit e fundit, e ka humbur besimin.
