Kandidati për kreun e Federatës Italiane të Futbollit, Damiano Tommasi, ka premtuar se do të aprovojë menjëherë propozimin për krijimin e skuadrave B, nëse zgjidhet.
Ish-mesfushori i Romës dhe Kombëtares italiane ka vlerësuar idenë e dhënë për krijimin e skuadrave B dhe ka pranuar se nëse zyrtarizohet si president, do t’i hapë rrugë menjëherë këtij projekti.
“Një nga propozimet më interesante që më ka ardhur, është krijimi i skuadrave B. Mendoj se mund t’i hapim rrugë menjëherë këtij propozimi dhe të gjitha skuadrat e interesuara, të krijojnë ekipin e tyre B. Shembujt për këtë i kemi si nga Spanja, ashtu edhe nga liga të tjera europiane”, tha Tommasi.
