Drejtori sportiv i Celta Vigos, Felipe Minambres ka konfirmuar se është i interesuar në nënshkrimin e 24-vjeçarit nga klubi i Ernesto Valverdes.
Mesfushori i Barcelonës, Rafinha është një objektiv transferimi për Celta Vigo, sipas drejtorit sportiv të klubit Galician.
Rafinha ende nuk ka debutuar në La Liga këtë sezon, pasi ka kryer dy operacione në gju gjatë vitit 2017, edhe pse mjekët muajin e kaluar i dhanë autorizimin për tu rikthyer në fushat e blerta.
Babai i Rafinhas, Mazinho, më parë tregoi se 24-vjeçari nuk ishte i interesuar për të lënë Barçën, por nënshkrimi i klubit të Philippe Coutinho nga Liverpool mund të shtyjë Rafinhan të largohet.
