Massimiliano Allegri e ka quajtur vërtet të jashtëzakonshëm Emre Canin, por ka insistuar se nuk dëshiron të diskutojë për transferimet e Juventusit.
Mesfushori gjerman pritet t’i bashkohet Juves kur t’i mbarojë kontrata me Liverpoolin në verë, me shumë media të ndryshme që kanë raportuar se është arritur marrëveshje mes tij dhe gjigantit italian.
“Të gjithë i njohin cilësitë e Can”, ka thënë Allegri në një konferencë për media.
“Është lojtar i ri, i cili ka luajtur shumë ndeshje për kombëtaren dhe klubin. Ai është pjesë e një mesfushe gjermane që është vërtet e jashtëzakonshme. Por, nuk dua të diskutoj për tregun e transferimeve, sepse Juventus po bën mirë”, ka shtuar ai.
