Eusebio Di Francesco shprehet i pakënaqur me shitjen e Edin Dzekos te Chelsea.
Trajneri i Romës thotë që klubi duhet të ketë arsye të forta për këtë lëvizje dhe ato duhet t’ia shpjegojë një ditë.
“Ajo që ka rëndësi është klubi. Shpresat e mia janë relative. Nëse ata e shesin, atëherë duhet të kenë arsye të forta, të cilat do të mi sqarojnë një ditë”, deklaroi Di Francesco.
“A e urrej tregun e transferimeve? Varet. Nëse dikush vjen, mirë, përndryshe jo”.
“Schick i ka disa karakteristika të tij bashkë me Defrelin. Por, është ende herët të flasim për këtë”, shtoi ai.
