Liverpool ka fituar ditën e djeshme supersfidën ndaj Manchester Cityt në ‘Anfield’ me rezultatin 4-3. Një fitore kjo që e ndihmon skuadrën e Jurgten Klopp si në aspektin moral, por edhe në renditje ku momentalisht pozicionohen në vendin e tretë me 47 pikë të grumbulluara në 23 javë.
Këtë javë do të largohej edhe Philippe Coutinho nga skuadra e Liverpool, në drejtim të Barcelonës për shifrën stratosferike prej 160 milionë eurove e cila do të paguhej 120 milionë + 40 bonuse në varësi të performancës së brazilianit me katalanasit.
Por mesa duket largimi i tij nuk u ka ‘dhembur’ aq shumë tifozëve të kuq, duke u ekzaltuar me fitoren ndaj Cityt dhe duke iu qenë falenderues treshes aktuale Salah-Firmino-Mane, të cilët kanë shkëlqyer kundër skuadrës së Guardiolas.
Për këtë fakt, Richy Sheehy, një ndër tifozët më të zjarrtë të Liverpool i ka kushtuar një këngë ironizuese Coutinhos, duke i rikujtuar se mjaftohen me sulmuesit aktualë të skuadrës./AlpeNews.al/
Ndiqni Videon: