Wilfried Zaha i është ofruar një rrogë vjetore 12 mln euro për të luajtur në Kinë duke filluar nga muaji i ardhshëm.
Sulmuesi i Crystal Palace është objektivi kryesor i kinezëve Dalian Yifang, që janë gati të bëjnë lojtarin nga Bregu i Fildishtë një nga më të paguarit në botë.
Ata kanë propozuar t’i japin 48 mln euro në katër vite.
Zaha mund të fitojë edhe 3 mln euro më shumë në vit nëse aktivizon bonuset e propozuar në kontratë. Ai gjithashtu do të lejohet të udhëtojë lirisht në klasin e parë sa herë që do të kërkojë të rikthehet në Angli.
Oferta është tri herë më e mirë se ajo që ai merr aktualisht te Palace, që është 150,000 euro në javë.
Por me shumë mundësi Shqiponjat nuk do ta pranojnë ofertën e klubit kinez pasi e shohin si të pazëvendësueshëm sulmuesin 26-vjeçar.