Christos Athanasopoulos është zyrtarisht lojtar i Luftëtarit.
Gjirokastritët e kanë prezantuar sot portierin 35-vjeçar, i cili vjen nga skuadra greke e AO Trikala.
Shtatlarti ka një eksperiencë të madhe në Greqi dhe tanimë do të vihet nën urdhrat e trajnerit Hasan Lika.
Athanasopoulos do rivalizojë me portierin Shkëlzen Ruçi për të mbrojtur katërkëndëshin e Luftëtarit dhe me shumë mundësi kjo është lëvizja e fundit në merkato e bluzinjve.
Gjatë kësaj periudhe drejtuesit kanë bërë afrime të rëndësishme në ekip dhe synojnë të sigurojnë sa më shpejt mbijetesën.
