Inter-Ramires? Edhe menaxheri i futbollistit provon të përshpejtojë kalimin e mesfushori brazilian, aktualisht te Jiansgu, në radhët e Inter. Ashtu si bën të ditur “Premium Sport”, Luis Carlini ka shkuar në Marbella të Spanjës, ku skuadra kineze po zhvillon fazën përgatitore, për të arritur marrëveshjen. “Shpresojmë që Ramires të shkojë te Inter,” – deklaroi menaxheri Andersinho Marques.
Pra, nga pala e Ramires ka optimizëm për kalimin e tij te Inter, duke parë se te skuadra e drejtuar nga Fabio Capello ka shkuar M’Bia, mesfushori që pritet të marrë vendin e brazilianit, pikërisht nëse ky i fundit shkon në Milano. Gjithsesi mbetet problem paga e lojtarit që aktualisht merr 10 milionë euro neto në sezon dhe për të shkuar te Inter duhet të pranojë gjysmën e pagesës, 5 milionë euro në sezon.
