Prej kohës, Juventus ka nisur të mendojë për të ardhmen e futbollistëve që do të aktivizojë në krah. Të paktën dy nga këta tre emra Lichtsteiner, Asamoah dhe Sandro do të largohen në verë. Ky skenar, sipas asaj që bën të ditur “Gazzetta dello Sport” e kanë detyruar drejtuesin e bardhezinjve, Marotta të mendojë për zëvendësuesit, sidomos duke ndjekur pistat e huaja.
“Zonjës së Vjetër” i pëlqen Matteo Darmian, ndërsa do të rikthehet Spinazzola, ndërsa De Sciglio do të qëndrojë. Objektiv tjetër është Emerson Palmieri i Romës, që gjithashtu po ndiqet nga Chelsea. Kampionët e Italisë po ndjekin edhe tregun gjerman: Wendell i Leverkusen dhe Pavel Kaderabek i Hoffenheim. Në orët e fundit ka nisur të qarkullojë edhe emri i Santiago Arias, mbrojtësi i djathtë i PSV, teksa në listën e Marotta janë edhe emrat e Jose Luis të Valencia dhe Thomas Meunier, gjithnjë e më larg nga Paris SG.
