Mina ka kryer me suksese testet mjekësore dhe pas pak do të prezantohet në Camp Nou.
Transferimi i dytë për këtë afat kalimtar, Yerry Mina, ka kryer me sukses testet mjekësore te Barcelona, i cili pas pak do të nën shkruajë kontratën dhe do të prezantohet në Camp Nou.
“Është moment i papërshkrueshëm, krenar për shansin që më është dhënë të jem këtu me yje të futbollit botëror”, u shpreh Mina.
“Shpresoj të mësoj sa më shumë nga Messi, Piqué, Umtiti, Masche, të gjithë. Shpresoj të kontribuoj në skuadër dhe të fitoj trofe, që është më e rëndësishmja”, shtoi ai.
Barcelona e zyrtarizoi blerjen e mbrojtësit Yerry Mina nga Palmeiras ditën e premte.
Lojtari ka ardhur për shifrën e 11.8 milionë euro, ndërsa klauzola e tij për ta blerë është 100 milionë euro.
Kolumbiani ka nënshkruar për pesë vite e gjysmë, me kohëzgjatje deri në vitin 2023.
Ai shihet si zëvendësues ideal i Javier Mascheranos i cili do të largohet drejt Kinës.
Mina do të mbulojë hapësirat që do të lënë Pique dhe Umtiti sa herë që lëndohen apo kanë nevojë për të pushuar.
