Napoli ka hyrë në garë për mbrojtësin e krahut të djathtë të Barcelonës Aleix Vidal, i cili gjithashtu ndiqet edhe nga Liverpool dhe Sevilla.
Napoli ka nevoja emergjente në mbrojtje pas dëmtimit të Koulibaly, dhe e vetmja zgjedhje është Elseid Hysaj pasi Maggio nuk shihet më si një alternativë e shqiptarit, raporton Alpenews.
Drejtori Sportiv i Napolit raportohet se ka biseduar me krerët e Barcelonës dhe me vetë lojtarin për një lëvizje të mundshme.
Sevilla ka ofruar një ofertë për huazim me detyrim blerjeje për 8 milionë euro, e cila është refuzuar nga katalanasit.
Vidal mund edhe të qëndrojë në Spanjë por Napoli do të ishte një ofertë ‘joshëse’ për të.