Philippe Coutinho mund të debutojë për Barcelonën të enjten e ardhshme në ndeshjen e dytë të Kupës së Mbretit në “Camp Nou” kundër Espanyolit.
Nëse braziliani vazhdon të rikuperohet nga lëndimi si është planifikuar, atëherë ai do të debutojë në fanellën e Barçës kundër Espanyolit, këtë të enjte, transmeton Express.
Trajneri i Barcelonës, Ernesto Valverde, u pyet sot në konferencë për media rreth datës kur pritet të debutojë blerja më e shtrenjtë në histori të klubit.
“Hezitoj të jap datë të saktë për debutimin e Coutinhos, por rikuperimi i tij nga lëndimi është shumë pozitiv. Shpresoj se do ta kemi në skuadër shumë shpejt”, ka thënë ai.
Por, i vënë nën presion nga gazetari, Valverde ka theksuar: “Ka mundësi të enjten dhe shpresoj se sot do të stërvitë me skuadrën.”
