Zgjedhjet për kreun e ri të Federatës Shqiptare të Futbollit do të mbahen më 7 shkurt dhe tashmë ka nisur fushata.
Përballë njëri-tjetrit për të fituar garën për kreun e FSHF-së janë presidenti aktual Armand Duka dhe deputeti socialist, Bashkim Fino.
Duke qenë se nuk ka kandidaturë tjetër, këta të dy pritet të votohen nga 66 anëtarët e Asamblesë me të drejtë vote.
Nga burime pranë Vllaznisë, mësohet se klubi shkodran ka bërë propozimin për Dukën si kandidat për president.
Kësisoj, klubi i Vllaznisë i bashkohet Teutës, të cilët propozojnë Armand Dukën si kandidat për zgjedhjet e 7 shkurtit.
Sakaq, nga ana tjetër, siç është bërë e ditur, për Bashkim Finon ka qenë klubi i Lushnjës që e ka propozuar si kandidat përballë Dukës.
