Samuel Eto’o ka zgjidhur konsensualisht kontratën e tij me klubin turk të Antalyasporit, pas 2 sezonesh e gjysmë të kaluara aty. Lajmi u bë i ditur nga vetë klubi turk, që përshëndeste kamerunasin, që në 77 ndeshje, shënoi 44 gola për ta.
Gjithsesi, ish futbollisti i Barçës dhe Interit do të vijojë të qëndrojë në Turqi, pasi ka marrë një tjetër ofertë nga kampionatin atje. Mediet turke raportojnë se Eto’o është shumë pranë nënshkrimit me skuadrën e Konyasporit, të një kontrate prej 1 viti e gjysmë.
Kamerunasi ka fituar dy herë Champions Leaguen, fillimisht me Barcelonën nën urdhrat e Guardiolës dhe më pas me Interin e Mourinhos, ku fituan gjithçka të mundshme.