Të shumtë janë ata që komentuan transferimin rekord të brazilianit Philippe Coutinho nga Liverpool te Barcelona, përtej hidhërimit të trajnerit të të “Kuqëve”, Jurgen Klopp, edhe kroati i katalanasve, Ivan Rakitic ka thënë fjalën e tij mbi transaksinin më të bujshëm të janarit që kishte për subjekt 25-vjeçarin.
Mesfushori blaugrana deklaroi se sipas tij klubi katalanas ka paguar një çmim shumë të lartë për ish-futbollistin e Liverpool. Pavarësisht rezervave të tij në lidhje me çmimin e brazilianit, kroati 29-vjeçar u shfaq i sigurtë për faktin se të gjithë i vlerësojnë cilësitë dhe aftësitë teknike të blerjes më të madhe të Barcelonës.
Opinioni im nuk ka rëndësi, por çmimi është shumë i lartë. Gjtihsesi këto kushte janë diktuar nga merkato. Çdo futbollist i mirë është i mirëpritur. Përgëzoj presidentin dhe të gjithë ata që kanë bërë të mundur këtë transferim. Tashmë Coutinho bën pjesë në familje.
E njohim të gjithë, jam i sigurtë se do të zbavitemi shumë dhe do të luftojmë për objektivat tonë. Duhet t’i japim kohë, ne do t’i japim ngrohtësi”, deklaroi Rakitic për median spanjolle, “Marca”.