FC Chelsea ka huazuar Tiemoue Bakayoko te Milan deri në fund të sezonit.
Klubi italian ka të drejtë blerje në qershor për 24-vjeçarin, i cili kohët e fundit është kthyer në një lojtar kyç të kuqezinjve.
Nëse Milan shfrytëzon klauzolën e blerjes përfundimtare, The Blues do të kërkonin partnerin e tij në mesin e fushës Franck Kessie.
Mësohet se Sarri e sheh si një lojtar që do t’i përshtatej mirë skemave të tij.
22-vjeçari është një lojtar i përfaqësueses së Bregut të Fildishtë dhe një titullar i padiskutueshëm i Milan-it të Gattuso-s.