Afrohet gjithnjë e më shumë transferimi i mesfushorit Eden Hazard nga Chelsea te skuadra e Real Madrid. E përditshmja britanike “The Sun” ka bërë me dije sot se skuadra “merengues” ka ofruar 135 milionë euro për të marrë mesfushorin belg, që ende nuk ka rinovuar me blutë e Londrës. Hazard nuk rinovon pikërisht se pret të transferohet në Spanjë, te skuadra e Zinedine Zidane.
Ndaj, skuadra e Real ka gati një ofertë marramendësë për të marrë Hazard, i cili preferon të ndryshojë kampionat. Por ky transferim nuk mund të bëhet në janar dhe bëhet fjalë për një lëvizje që mund të ndodhë verën e ardhshme. Kjo shumë e lartë e ofruar nga spanjollët duket se ka bindur edhe drejtuesit e Chelsea, që janë gati të heqin dorë nga mesfushori në fund të sezonit.
