Liverpool e ka me të vërtetë, por Suso nuk ka asnjë qëllim që të rikthehet në Anfield. Të paktën jo për tani. Spanjolli doli zbuluar dhe pas shumë aludimesh dhe zërash në merkato, që nisën të bëheshin gjithmonë e më shumë insistues, i deklaroi dashuri të sigurtë skuadrës së tij aktuale, Milan.
“Vetëm pak kohë më parë kam nënshkruar një rinovim të rëndësishëm, por gjithsesi kam lexuar aludime që më lakojnë për gjithçka. Klauzola, tratativa dhe zëra merkatoje. As që i mendoj, jam i përqendruar në fushë, ndërsa për të tjerat merret menaxheri im. Gjithsesi, për çdo skenar, vlen vullneti im, vetëm vullneti im. Unë për momentin dua të qëndroj te Milan. Gjithçka tjetër është vetëm thashethem. Në lidhje me klauzolën nuk më intereson asgjë, ndërkohë që nevojitet respekt për një klub si Milan, që mbi mua ka investuar shumë”, deklaroi Suso.