Ende asgjë të re lidhur me transferimin e Alexis Sanchez në Manchester United, që sipas Mourinhos “edhe mund të ndodhë, mund edhe të mos ndodhë”.
Trajneri i Manchester United, Jose Mourinho, haptazi e ka pranuar se “Djajtë e Kuq” janë në bisedime me Arsenalin për transferimin e sulmuesit, Alexis Sanchez.
Por, portugezi tregoi se tani për tani, nuk ka asgjë të re lidhur me transferimin e kilianit në Old Trafford, transferim ky që edhe mund të dështojë.
“Nuk ka asgjë të re. Do të flasë me ju një ditë nëse e transferojmë për të treguar më shumë për të dhe se çfarë mund t’i ofrojë ekipit tim”, u tha Mou gazetarëve.
“Por, në këtë moment, mendoj se nuk është e arsyeshme. Ai është lojtar i Arsenalit – nuk është lojtari im. Kështu që nuk është nevoja të flasim për diçka që ndoshta mund të ndodhë e ndoshta nuk do të ndodhë”, shtoi Mourinho.
“Nuk mund të mohojmë bisedimet që kanë nisur mes klubeve, ashtu siç tha Wengeri, por tani për tani asgjë nuk është e kryer. Në këtë moment, Mkhitaryan është lojtari jonë dhe Sanchez lojtar i Arsenalit”.
