Gjashtë muaj kanë kaluar, që nga koha kur James Rodriguez u largua nga Real Madridi dhe u bashkua me Bayern Munich, ku u takua me një tjetër figurë të Amerikës Latine, kilienin Arturo Vidal, i cili është një admirues i kolumbianit.
Futbollist lider i kombëtares së Kilit foli ekskluzivisht për “Claro” dhe “Bayern TV”, teksa rrëfeu se gjysma e dytë e vitit 2017 ishte momenti më i keq i karrierës së tij (ai mbeti jashtë Kupës së Botës në Rusi). “James është një lojtar, i cili ka gjithçka për të pasur sukses te Bayern Munich. Në çdo kohë mund të presësh prej tij mrekulli nga goditja e lirë, nga e majta spektakolare. Ka shumë cilësi, ndaj çuditem si e lëshoi Real Madridi”, – tha “Mbreti Arthur”. Vidal dhe Kili kanë mbetur jashtë Kupës së Botës në Rusi, por lojtari do të mbështesë James dhe pjesën tjetër të ekipeve të Amerikës Latine verën e ardhshme. “Ekipet e Amerikës Latine janë shumë të mira, kështu që iu uroj atyre fat. Ne do të përpiqemi për t’i mbështetur gjithmonë fqinjët tanë”, – tha kilieni.
