Lojtari i Manchester Cityt, Leroi Sane, u dëmtua gjatë ndeshjes së “Fa Cup” nga lojtari i Cardifit, Xho Benet, pas një ndërhyrjeje mjaft të rëndë.
Sane ishte duke shkuar afër portës, kur Benet i bëri një faull taktik tepër të rrezikshëm. Ai u dënua vetëm me të verdhë, ndërsa Sane u largua për të shkuar në spital pas ndërhyrjes.
Dëmtimi i yllit gjerman, Sane, ka shqetësuar shumë Federatën e Futbollit të këtij shteti, që i ka dërguar një mesazh klubit uellsian në profilin e vet zyrtar në “Twitter”.
“Hej Cardif. Thjesht duam t’ju kujtojmë se kemi një turne shumë të rëndësishëm në verë. Ju lutemi të mos i dëmtoni lojtarët tanë. Faleminderit!”, shkroi faqja e Federatës Gjermane të Futbollit.
