Luka Modric u ka paguar më shumë se 1 milion euro autoriteteve tatimore të Spanjës për të shmangur burgun.
Ylli madrilen ishte ditën e sotme në Gjykatë, ku u përball me dy akuza të mashtrimit tatimor mbi të drejtat e tij të imazhit, të cilat datojnë në vitet 2013 dhe 2014.
Mediat spanjolle raportojnë se kroati ka pranuar dënimin dhe në mënyrë vullnetare ka ofruar të paguajë shumën e parave, përpara datës së gjyqit.
Modric ka paguar rreth 256,000 paund për vitin 2013 dhe 511,000 paund për vitin 2014, së bashku me interesat.
Nëse ish-lojtari i Totenhemit do të zgjidhte të vazhdonte me procedurat gjyqësore, mund të përballej me dënim me burg.
