Barcelona edhe zyrtarisht ka njoftuar se ka nënshkruar me mesfushorin anglez të Arsenalit, Marcus McGuane
Marcus McGuane edhe zyrtarisht është larguar nga Arsenal për të kaluar te lideri i La Ligas, Barcelona.
Lajmi është konfirmuar nga të dy skuadrat, ndërsa lojtari tashmë ka pozuar me fanellën e skuadrës katalonase.
“Marcus McGuane ka arritur marrëveshje që t’i bashkohet Barcelonës”, thuhet në njoftimin zyrtar të Arsenalit.
Anglezi këtë sezon kishte luajtur dy ndeshje për ekipin e parë të Arsenalit në Europa League, ndërsa pjesën e mbetur të këtij sezoni do të luajë për Barcelona B.
