Sulmuesi francez, Ousmane Demebele, që prej transferimit në Barcelonë gjatë verës së kaluar ka patur probleme me dëmtimet.
Fillimisht kishte munguar për katër muaj, ndërsa menjëherë pas rikthimit pësoi një tjetër dëmtim, duke qëndruar jashtë edhe për një muaj tjetër.
Por, sipas trajnerit Ernesto Valverde, francezi pritet që javën tjetër të kthehet në stërvitje dhe të jetë gati për Chelsean në Ligën e Kampionëve.
“Dembele? Ai është në rregull. Ai ka filluar të stërvitet. Shpresoj se nga java e ardhshme të kthehet në skuadër”, tha Valverde gjatë konferencës për mediat.
