Tentativat e Barcelona-s për të ndihmuar blerjen e madhe Ousmane Dembele të ambientohet në Spanjë kanë arritur deri aty ku ai të mos ketë më nevojë për asgjë.
Dembele u transferua në Nou Camp nga Borussia Dortmund në verë për një shifër 150 milionë euro, për të zëvendësuar Neymar.
Gjithsesi një dëmtim serioz e ka detyruar të operohet dhe të qëndrojë larg fushave për katër muaj dhe vetëm tani ka filluar të rikthehet gradualisht në ekipin e parë.
Sipas Mundo Deportivo, Barcelona po bën çmos për të ndihmuar lojtarin të ambientohet me jetën e re, pas presionit të madh që ka mbi shpatulla 20-vjeçari.
Në mënyrë që të rregullojë dietën, Barça i ka vënë në dispozicion shefin personal të kuzhinës, në mënyrë që sulmuesi të mos varet nga ushqimet e shpejta.
Barcelona gjithashtu ka paguar një roje sigurie për shtëpinë e Dembele, si dhe ka gjetur një doktor dhe fizioterapist që do ta vizitojë për ta ndihmuar të rikuperohet sa më shpejtë.