Faqja zyrtare e sportit e kompanisë së madhe amerikane të medias, CNN-it, e ka rikujtuar ditën kur të në këtë ditë më 2013 superylli kosovar, Majlinda Kelmendi, shkroi historinë.
Përmes një videoje nga luftërat e Majlindës në gjysmëfinale dhe finale, CNN rikujtoi ditën kur më 2013 Majlinda Kelmendi ia fitoi Kosovës për herë të parë në histori titullin e kampiones së botës në xhudo, transmeton Express.
CNN në këtë video shpjegon se si Majlinda shkoi në Kampionatin Botëror të Xhudos në Rio të Brazilit si favorite në kategorinë deri 52 kilogramë.
Dhe se si me barrën e vendit të vet mbi supe, asaj iu desh t’i mposhtë kundërshtaret shumë të forta, si japonezen, Yuki Hashimoto në gjysmëfinale dhe në finale kundër tërë Brazilit.
Kjo pasi iu desh të përballej me vendasen Erika Mirandan, të cilën e hodhi në dysheme dhe e mundi me ippon, për t’u bërë kampionia e parë botërore në xhudo nga Kosova si dhe një superyll.
Videon shikojeni ketu
