Frank De Boer pretendon se lojtarët formuan një bllok në dhomën e zhveshjes.
Ai ishte pasardhësi i Roberto Mancini-t dy javë përpara se të fillonte sezoni 2016/17 dhe zgjati deri në tetor.
Tekniku holandez më pas u emërua trajneri i Crystal Palace këtë sezon, por insiston se eksperienca në San Siro ishte më e keqe.
“Kisha më shumë komplikime në Itali dhe nuk ishte vetëm për shkak të gjuhës, por gjithashtu edhe për mënyrën e transmetimit të mesazhit dhe ideve,” shprehet De Boer për Ziggo Sport.
“Mënyra jonë e të menduarit është më e përafërt me atë angleze, ndërsa tek Inter ishte e gjitha e bazuar nga ana emocionale. Lojtarët formuan një bllok prej shtatë-tetë vetash.
“Ishte paksa kaotike, të gjithë bënin sipas dëshirës. Kur u mundova të bëja Inter-in të luante futboll të bazuar në mbajtjen e topit, epo…Nuk kisha parë ndonjëherë diçka të tillë. Edhe të rinjtë e Ajax luanin më mirë.
“Nuk e prisja të ndodhte. Edhe në stërvitje, ata u dorëzuan dhe nuk bënin më ushtrimet e kërkuara pasi nuk i kuptonin.”
