Atalanta, që ka marrë disa rezultate mbresëlënëse në transfertë, do të përballet me Borussia Dortmund në “Signal Iduna Park”, në një ndeshje që do të jetë e vlefshme për 1/16-at e Europa League. Ndërkohë, paraqitja e gjermanëve në Champions League ka qenë më shumë se zhgënjyese. Pozicionimi i tyre në vendin e tretë mbrapa Tottenham dhe Real Madrid ka qenë befasues, por jo aq sa dy pikët e vetme të marrë në grup.
Në fakt, Borussia ka arritur të sigurojë vendin e tretë vetëm falë një diference më të mirë golash kundër APOEL. Për sa i takon shifrave, ndeshjet e luajtura nga verdhezinjtë në Champions League kanë prodhuar një mesatare prej 3.3 gola për takim, ndërsa ato të Atalanta-s në Europa League kanë regjistruar një mesatare prej 3 gola për ndeshje.
Zikaltrit nuk kanë pësuar asnjë humbje në tetë ndeshjet e fundit që ka në luajtur në transfertë, në të gjitha kompeticionet (6 fitore, 2 barazime), duke përfshirë këtu fitoret e marra kundër Everton (5-1), Napoli-t (2-1) dhe Roma-s (2-1). Ndërkohë, nëse Dortmund do ta fitojë Europa League, do t’i bashkohet “Pesë të Mrekullueshmeve” (Juventus, Ajax, Manchester United, Chelsea dhe Bayern Munchen), si fituese të tre kompeticioneve madhore të UEFA-s.
