Është në sezonin e tij të parë si zikaltër, por Milan Skriniar është shndërruar në një nga lojtarët më të rëndësishëm tek Interi, duke tërhequr edhe vëmendjen e klubeve të mëdha.
Pas ndeshjes së fituar dje ndaj Beneventos, ku lojtari sllovak shënoi golin e parë, Skriniar përsëriti se nuk ka ndërmend të largohet nga Interi dhe se e sheh veten për shumë vite në këtë ekip.
23-vjeçari tha se ndihet mirë me skuadrën, tifozët dhe drejtuesit dhe se dëshira e tij e vetme është të arrijë objektivat sezonalë me zikaltrit, veçanërisht renditjen në zonën Champions.
