Tottenham nuk ka shkuar më tepër se një barazim me skuadrën e League 1 (kategoria e tretë angleze) Rochdale. Ishte një ndeshje që doli më e vështirë sesa e kishte parashikuar skuadra e Mauricio Pochettino-s, që tani duhet të luajë një ndeshje kthimi në Wembley për të kaluar në raundin tjetër të FA Cup.
Ishin vendasit ata që kalaun të parët në avantazh me golin e Henderson në limitet e pjesës së parë. pas pushimit Tottenham fut në fushë peshat e rënda si Alli dhe Kane por ishte blerja e re Lucas Moura ai që barazoi rezultatin me golin e parë në ndeshjen e tij të parë si titullar me Spurs.
Në fund të takimit, Alli pengohet brenda zonës dhe arbitri akordon një penallti për miqtë që shndërrohet në gol nga Harry Kane. Gjithçka u duk sikur kishte mbaruar në favor të vizitorëve, por një gol në sekondat e fundit nga Davies rivendosi barazimin. Një ndeshje përrallore për Rochdale, që tani do të luajë një tjetër ndeshje me Tottenham.
