Futboll

Ish sulmuesi katalanas: Barcelona e eliminon Chelsean, Messi më i mirë se Maradona

Gary Lineker është në Barcelonë. Sulmuesi i mëparshëm i skuadrës katalanase, midis viteve 1986 dhe 1989, kohë kur arriti një popullaritet të madh, ka shqyrtuar shkurtimisht disa momente të karrierës së tij blaugrana, ndërsa ka thënë se “Barcelona është favorite kundër Chelsea”.

Lineker kujton: “Kujtimet e mia të asaj kohe janë të jashtëzakonshme; për ekipin, për qytetin, për më të mirët në botë… Për mua, Barça është klubi më i madh në botë”. Aktualisht një komentues sportiv, ai nuk humbet të japë lëvdata edhe për yllin e sotëm të Barçës: “Messi është lojtari më i mirë i të gjitha kohërave, për mua. Mendova se kurrë nuk do të shihja ndonjë njeri më të mirë se Maradona, por Messi është i tillë”. Sa i përket sfidës së ardhshme mes Barcelonës dhe Chelsea, Lineker është i qartë: “Mendoj se Barça do ta eliminojë Chelsea. Është një moment i vështirë për Chelsea, me Conten të pakënaqur nga transferimet. Mendoj se ndeshja vjen në një kohë të mirë për Barcelonën, por ende duhet të jetë e kujdesshme: Chelsea ka lojtarë të mëdhenj, si Hazard, apo Kante”. Në lidhje me një tjetër ndeshje, ku do të përballet Real Madridi me PSG-në, pohon se “francezët janë favoritë. Real Madridi ka qenë kampion për dy sezonet e fundit dhe ka përvojë, por unë nuk e shoh atë në një nivel të mirë tani”.

Related posts

ZBULON NJË PRAPASKENË ME RIVALËT E JUVENTUS/ Ylli Aguero: Më thanë hajde këtu, imagjino treshen sulmit të frikshëm me…

Delo.autor

VJEN SHANSI I ARTË PËR BROJËN/ Sulmuesi i Kombëtares titullar në sfidën e Premier League (FOTO)

Delo.autor

Cana: Konflikti për talentet? Do ekzistojë gjithmonë, por ngjyrat kuqezi janë gjithmonë të veçanta

Sadik.Autor

Leave a Comment