Kamer Qaka është një nga zbulimet e trajnerit të ri të Kombëtares, Christian Panucci.
Lojtari i rritur në Norvegji për momentin luan në kampionatin rumun me Poli Iasi.
Në ndeshjen që u luajt pasditen e sotme, Poli Iasi i lojtarit shqiptar triumfoi jashtë fushe ndaj Poli Timisoara në rezultatin 1-2.
Qaka u bë protagonist në këtë ndeshje, duke e filluar takimin që nga fillimi dhe dhuroi asistin për golin e parë të shënuar nga Platini.
Një asist mjaft i bukur që nga mesi i fushës, por meritë kishte edhe sulmuesi, i cili la pas mbrojtësit dhe nuk gaboi i vetëm përpara portierit.
