Massimiliano Allegri është shumë i lumtur pas fitores 7:0 ndaj Sassuolos në kuadër të Serie A
Skuadra e Juventusit ka vazhduar të shkëlqejë në Serie A, ku në kuadër të javës së 23’ ka deklasuar Sassuolon me rezultat 7:0.
Pas ndeshjes, trajneri Massimiliano Allegri tha se është shumë i lumtur me paraqitjen e Gonzalo Higuain që shënoi tre gola dhe të gjithë futbollistëve tjerë.
“Jam shumë i lumtur për het trikun e Higuan dhe paraqitjen e krejt skuadrës. Shumë lojtarë kanë filluar të arrijnë formën e tyre ideale”, tha fillimisht Allegri.
Ai po ashtu tregoi edhe suksesin e lojtarëve të tij, të cilët e kanë fituar titullin e Serie A në gjashtë vitet e fundit.
“Nuk ka sekret në suksesin tonë. Ne thjeshtë kemi lojtarë me vlera të larta që duan të fitojnë sikurse të ishte Scudetto e parë. ne duam të qëndrojmë afër Napolit në sprintin final për titull”, u shpreh italiani në fund.
Juventus prin kampionatin me 59 pikë, dy më shumë se sa Napoli që po luan ndaj Beneventos.
