Calabria ka vetëm fjalë të mira për Gattuson, që e ka ndryshuar pothuajse krejtësisht Milanin.
Milani e mposhti 2-0 Romën të dielën mbrëma dhe sipas Davide Calabrias, që shënoi golin e dytë, kjo ecuri pozitive është falë Gennaro Gattuso, që e ka krijuar mentalitet fitues.
“Gattuso ka mentalitet fitues, ai nuk i neglizhon as detajet e vogla”, tha mbrojtësi i djathtë për “Premium Sport”.
“Kishim mungesë të përshtatjes, apo vazhdueshmërisë, por Gattuso e ka ndryshuar mentalitetin e skuadrës”, shtoi ai, duke thumbuar në njëfarë mënyre ish trajnerin, Vincenzo Montella.
21 vjeçari, që u rrit duke shikuar legjendën e Milanit, Paolo Maldini, u pyet për lojtarët që tani i ndjekë e që janë idhuj për pozitën ku ai luan.
“Do të thosha Dani Carvajal dhe David Alaba, janë lojtarë shumë të rëndësishëm”, shtoi Calabria.
