Corentin Tolisso u afrua në radhët e Bayern Munich verën e shkuar, ndërsa Jupp Heynckes ka vendosur që t’i japë dorën gradualisht lojtarit të përfaqësueses franceze. Tekniku i bavarezëve në deklaratën për shtyp para ndeshjes së Champions League kundër Besiktas-it është ndalur edhe te Tolisso, për të cilin u shpreh se nuk është e lehtë të integrohet te Bayern.
“Tolisso? Lojtarët që vijnë te Bayern duhet të përshtaten me mjedisin. Ne kërkojmë shfaqje shumë të mira për lojtarët nëse ata shpresojnë të jenë në rolin e titullarit. Vendi i ndryshëm, gjuhë të ndryshme, futboll të ndryshëm, skema të ndryshme, nuk është e lehtë, por Tolisso është duke bërë mirë dhe me siguri do të bëhet një lojtar i rëndësishëm i skuadrës në të ardhmen”.
