Gjysmëfinalja e tetë me radhë, askush si Barcelona në Copa del Rey.
Barcelona po e zhvillon gjysmëfinalen e tetë me radhë në Kupën e Mbretit kundër Valencias, ndeshje kjo që po luhet në Camp Nou, kurse ajo kthyese do të zhvillohet në “Mestalla” javën e ardhshme.
Sipas faqes për histori dhe statistika “Opta”, Barcelona është klubi i parë në histori të Copa del Rey që luan në tetë gjysmëfinale me radhë, transmeton Gazeta Express.
Kampioni aktual i kësaj gare, Barça, ka triumfuar 29 herë në Copa del Rey, që ndiqet nga Athletic Bilbao me 23 kurse Real Madridi është 10 tituj prapa katalunasve, me 19.
