Ish-lojtari i Barcelonës, Cesc Fabregas ka treguar mënyrën se si Chelsea mund të kualifikohet në fazën tjetër të Champions Leagues.
Në një deklaratë pas ndeshjes, Fabregas theksoi se londinezët mund të eliminojë Barcelonën vetëm nëse luan në sulm në të kundërt e kanë betejën e humbur.
“Duhet të shkojmë atje dhe të sulmojmë, pasi është e pamundur të mbrohesh për 90 minuta në Nou Camp, është mision vetëvrasës. Mbetet e hapur dhe ne duhet të kërkojmë të bëjmë një paraqitje shumë të mirë në Nou Camp për tu kualifikuar në fazën tjetër”, shpreh ai.
Kujtojmë që ndeshja e mbrëmshme në “Stamford Bridge” ndërmjet Chelseas dhe Barcelonës përfundoi në barazim 1-1.
