Lille vazhdon dominimin në Francë.
Pas titullit të fituar sezonin e kaluar në Ligue 1, kuqezinjtë kanë mposhtur PSG edhe në finalen e Superkupës së Francës të luajtur të Tel Aviv mbrëmjen e sotme.
Ndeshja është vendosur në minutën e 45-të nga një gol i mrekullueshëm i Xeka, i cili ka shtangur Navas me gjuajtje perfekte.
Skuadra e Pochettino, që nuk ka patur në dispozicion sot as Neymar dhe as Mbappe, ka arritur të barazojë në minutën e 74-t me Kimpembe, por goli i mbrojtësit është anuluar për pozicion jashtë loje.
Lille ka arritur ta mbrojë avantazhin deri në fund dhe ka pasuruar koleksionin me një tjetër trofe.