Gabriel Jesus ka premtuar se do të rikthehet më i fortë për Manchester City-n pasi ka kaluar ditën më të keqe të jetës së tij që e la me një dëmtim serioz në gju.
Sulmuesi brazilian pësoi një dëmtim në ditën e Vitit të Ri gjatë ndeshjes së Premier League ndaj Crystal Palace.
“U dëmtova më 31 dhjetor, ishte dita më e keqe e jetës sime.
“Ishte e vështirë pasi kurrë nuk kisha pësuar një dëmtim të tillë dhe në atë moment, kisha frikë se mund të ishte një dëmtim më i rëndë,” shprehet ai për CityTV.
“Nuk e kisha ndjerë asnjëherë atë dhimbje dhe në gju, është gjithmonë e vështirë. Por më pas e pranova dhe tani thjesht ka nevojë të shërohet, riaftësohet dhe të rikthehem sa më shpejtë.
“Nuk ia vlen të nxitohem. Do të rikthehem kur të jetë koha e duhur.”
Jesus është drejt riaftësimit të plotë dhe këtë e ka konfirmuar edhe trajneri Pep Guardiola që ka thënë se lojtari është rikthyer të stërvitet me grupin.
