Ronaldo është personazhi kryesor në karikaturën e ditës, së bashku me Bale e Benzema.
Goal ka publikuar karikaturën e ditës ku personazhi kryesor është pesë herë më i miri i botës, Cristiano Ronaldo.
Në fitoren prej 4-0 të Real Madridit kundër Alavesit në “Santiago Bernabeu”, Bale gjeti golin, po ashtu edhe Ronaldo (2), madje CR7 pati mundësinë për të realizuar het-trik, por ia dhuroi penalltinë Karim Benzemas, për ta kompletuar edhe ai me gol paraqitjen mbresëlënëse, ku dhuroi dy asistime.
“Penallti, Ronaldo për het-trik? Jo, miqësia është më me rëndësi”, shkruan Goal.
Përveç kësaj, për shkak të vërshëllimave ndaj Benzemas nga tifozët, në golin e parë Cristiano iu drejtues atyre që ta duartrokasin sulmuesin francez që dhuroi asist të mrekullueshëm për golin hapës të sfidës.
