Liverpool po monitoron nga afër mesfushorin e Tottenham, Victor Wanyama. Manchester United dhe Chelsea gjithashtu kanë ndjekur futbollistin nga Kenia, i cili nuk është aktivizuar rregullisht nga trajneri i Tottenham, Mauricio Pochettino, pavarësisht se është riaftësuar plotësisht nga dëmtimi. Wanyama ka qenë titullar në ndeshjet e Kupës së Anglisë kundr AFC Wimbledon dhe Newport, por në tetë ndeshjet e fundit mes kampionatit dhe Champions League është përdorur vetëm si zëvendësues.
Mes këtyre ndeshjeve ku është aktivizuar me pikatore, Wanyama shënoi edhe golin e barazimit në sfidën e mbyllur 2-2 kundër Liverpool. Ish-kapiteni i Liverpool, Steven Gerrard, ka zbuluar se klubi i tij kërkon të marrë një tjetër mesfushor që të aktivizojë në krah të Naby Keita dhe Jordan Henderson në sezonin e ardhshëm. “Na duhet dikush që të zëvendësojë Emre Can, por me karakteristika të ndryshme nga ai. Dikush që të jetë i aftë në punën “e pisët”, në rikuperimin e topave,” – tha Gerrard që duket se ka vizatuar “identikitin” e Wanyama.
